أبي .. من اوائل من رأت عيني ف الحياة
يا من تملأ البيت دفئا .. أبي أنت سر الأمان
بخبرتك أفدتني .. وعلى المخاطر عودتني
وعلى المر صبرتني .. وعلى النجاح هنئتني
معك تسير الحياة .. لا أشعر بمرها
معك أنسى الهموم .. وأنت مزيلها
معك تربيت وعشت وكبرت .. تعلمت معنى الحياة
علمتني الصلاة .. أصليها لله
حفظتني القرآن .. يحميني من الشيطان
عودتني الأذكار … في الليل والنهار
البستني الحجاب .. كي لا أفتن الشباب
آمالي حققتها .. ومطالبي أجبتها
—————————–
في يوم ما عملت حادثة .. حسينا يومها بكارثه
لكن قضاء ربنا .. فوق احساسنا كلنا
نزيف ونقل دم .. وكانت أيام هم
كان آخر يوم امتحان .. ومكنتش عارفة انام
شوفت الورقة سكت .. ساعة ونص وخرجت
معرفش كتبت ايه .. معرفش نجحت ازاي
وبعد 3 ايام .. حسيت بالخبر التمام
في وقت غير متوقع .. عياط لدرجة تصدع
صحيت مخضوضة جدا .. لعل حد يفيدني
مفيش حد بيتكلم .. بس الصورة بتتكلم
باااااباااااا بااااااااباااااااا
مااااااااات ماااااااااااات ماااااااااااات
!!!!!!!!!!!!!!!!!!!!!!!!!!!!!!!!!!!
يعني أييييييييييييييه ؟؟؟؟؟؟؟؟؟؟؟؟؟؟؟
عرفت معنى الموت .. وفقدان الحبيب
سمعت عنه كتير ..وطلع فعلا كئيب
احساسه احساس غريب
خلاص يا بابا هتمشي من الدنيا وهتسيبني ….بس اكيد هدعيلك لأنك والله غالي
ضحيت عشاني كتير … وده شيئ مش يسير
هتوحشني وهفتقدك … والبيت هيبقى كئيب
يارب يجعل قبرك منور وغير مريب
قالولنا مبشرات .. هونت علينا كتير
المسجد كان مليان .. والجنازة كانت بتطير
الكل عاوز يشيله .. والكل بيدعيله
سبحان من حبب خلقه فيه .. سبحان من خلى الناس تجيه
————————————-
ذكرى وايام جميلة .. مقدرش في يوم انساها
هفضل دايما فاكراها .. وهعيش على ذكراها
في كل يوم بفتكرك .. وفي كل لحظة عايشاها
بالليل تقوم تصلي .. وبتدعيلنا تملي
والصبح القرآن .. بصوتك الكروان
طلتك عليا .. كانت عندي بالدنيا
بحلم بيك كتير .. وبيبقى يوم عسير
يوم جلسة الحادثة .. مبطلتش عياط
اصحابي يقولوا مالك .. وانا اقول بابا مات
لكن املي الوحيد .. اموت ع التوحيد .. ويارب الجنة الوعيد .. واشوفك ويبقى عيد
وحشتني اوي يا بابا .. وحشتني اوي يا بابا
.
.
.
.
انا معرفش ده ايه
بس مش أكتر من اني عبرت عن جزء من اللي جوايا
الكلام ده كتبته يوم الأربع 25/3/2009
سلام عليكم
