خمسة وخميسة

السلام عليكم ورحمة الله وبركاته

خمسة وخميسة

كلمة مشهورة جدا وخصوصا عند المصريين

لما حد يبصلك في حاجة وانت عاوز تمنع الحسد تقوله خمسة وخميسة

وكان عندنا كتكوت اد كده وكبر بقى اد كده

وبيطلع عليها كلام كتير جدا

انا بقى عرفت معلومة عن أصل حكاية خمسة وخميسة دي

استغربتلها جدا مش عارفة انتوا عارفينها ولالا

عرفت انها كلمة قديمة جدا والسبب في رقم خمسة هو

ان سورة الفلق وهي السورة اللي بتمنع الحسد عدد آياتها خمسة

فكان زمان الأمي اللي مش عارف يحفظ سورة الفلق يقول خمسة وخميسة

قصده الخمس الآيات بتوع سورة الفلق مانعة الحسد

لماذا كذبت عليَّ أمي

السلام عليكم ورحمة الله وبركاته

ليس دائما ً: تقول أمي الحقيقة !!..

ثماني مرات : كذبت أمي عليّ !!!…

تبدأ القصة عند ولادتي ، فكنت الابن الوحيد في أسرة شديدة الفقر

فلم يكن لدينا من الطعام ما يكفينا ….

وإذا وجدنا في يوم من الأيام بعضا ًمن الأرز لنأكله ويسد جوعنا :

كانت أمي تعطيني نصيبها .. وبينما كانت تحوِّل الأرز من طبقها إلى

طبقي كانت تقول : يا ولدي تناول هذا الأرز ، فأنا لست جائعة ..

وكانت هذه كذبتها الأولى

وعندما كبرت أنا شيئا قليلا كانت أمي تنتهي من شئون المنزل وتذهب

للصيد في نهر صغير بجوار منزلنا ، وكان عندها أمل أن أتناول سمكة قد

تساعدني على أن أتغذى وأنمو ، وفي مرة من المرات استطاعت بفضل

الله أن تصطاد سمكتين ، أسرعت إلى البيت وأعدت الغذاء ووضعت

السمكتين أمامي فبدأت أنا أتناول السمكة الأولى شيئا فشيئا ، وكانت أمي

تتناول ما يتبقى من اللحم حول العظام والشوك ، فاهتز قلبي لذلك ،

وضعت السمكة الأخرى أمامها لتأكلها ، فأعادتها أمامي فورا وقالت :

يا ولدي تناول هذه السمكة أيضا ، ألا تعرف أني لا أحب السمك ..

وكانت هذه كذبتها الثانية

وعندما كبرت أنا كان لابد أن ألتحق بالمدرسة ، ولم يكن معنا من المال

ما يكفي مصروفات الدراسة ، ذهبت أمي إلى السوق واتفقت مع موظف بأحد

محال الملابس أن تقوم هي بتسويق البضاعة بأن تدور على المنازل

وتعرض الملابس على السيدات ، وفي ليلة شتاء ممطرة ، تأخرت أمي في

العمل وكنت أنتظرها بالمنزل ، فخرجت أبحث عنها في الشوارع المجاورة ،

ووجدتها تحمل البضائع وتطرق أبواب البيوت ، فناديتها : أمي ، هيا نعود

إلى المنزل فالوقت متأخر والبرد شديد وبإمكانك أن تواصلي العمل في الصباح ،

فابتسمت أمي وقالت لي : يا ولدي.. أنا لست مرهقة ..

وكانت هذه كذبتها الثالثة

وفي يوم كان اختبار آخر العام بالمدرسة ، أصرت أمي على الذهاب معي ،

ودخلت أنا ووقفت هي تنتظر خروجي في حرارة الشمس المحرقة ،

وعندما دق الجرس وانتهى الامتحان خرجت لها فاحتضنتني بقوة ودفء

وبشرتني بالتوفيق من الله تعالى ، ووجدت معها كوبا فيه مشروب كانت

قد اشترته لي كي أتناوله عند خروجي ، فشربته من شدة العطش حتى ارتويت ،

بالرغم من أن احتضان أمي لي : كان أكثر بردا وسلاما ، وفجأة نظرت

إلى وجهها فوجدت العرق يتصبب منه ، فأعطيتها الكوب على الفور وقلت لها :

اشربي يا أمي ، فردت : يا ولدي اشرب أنت ، أنا لست عطشانة ..

وكانت هذه كذبتها الرابعة

وبعد وفاة أبي كان على أمي أن تعيش حياة الأم الأرملة الوحيدة ، وأصبحت

مسئولية البيت تقع عليها وحدها ، ويجب عليها أن توفر جميع الاحتياجات ،

فأصبحت الحياة أكثر تعقيدا وصرنا نعاني الجوع ، كان عمي رجلا طيبا

وكان يسكن بجانبنا ويرسل لنا ما نسد به جوعنا ، وعندما رأى الجيران

حالتنا تتدهور من سيء إلى أسوأ ، نصحوا أمي بأن تتزوج رجلا ينفق

علينا فهي لازالت صغيرة ، ولكن أمي رفضت الزواج قائلة :

أنا لست بحاجة إلى الحب ..

وكانت هذه كذبتها الخامسة

وبعدما انتهيت من دراستي وتخرجت من الجامعة ، حصلت على وظيفة

إلى حد ما جيدة ، واعتقدت أن هذا هو الوقت المناسب لكي تستريح أمي

وتترك لي مسؤولية الإنفاق على المنزل ، وكانت في ذلك الوقت لم يعد

لديها من الصحة ما يعينها على أن تطوف بالمنازل ، فكانت تفرش فرشا

في السوق وتبيع الخضروات كل صباح ، فلما رفضت أن تترك العمل

خصصت لها جزءا من راتبي ، فرفضت أن تأخذه قائلة :

يا ولدي احتفظ بمالك ، إن معي من المال ما يكفيني ..

وكانت هذه كذبتها السادسة

وبجانب عملي واصلت دراستي كي أحصل على درجة الماجيستير ،

وبالفعل نجحت وارتفع راتبي ، ومنحتني الشركة الألمانية التي أعمل بها

الفرصة للعمل بالفرع الرئيسي لها بألمانيا ، فشعرت بسعادة بالغة ،

وبدأت أحلم ببداية جديدة وحياة سعيدة ، وبعدما سافرت وهيأت الظروف ،

اتصلت بأمي أدعوها لكي تأتي للإقامة معي ، ولكنها لم تحب أن تضايقني

وقالت : يا ولدي .. أنا لست معتادة على المعيشة المترفة …

وكانت هذه كذبتها السابعة

كبرت أمي وأصبحت في سن الشيخوخة ، وأصابها مرض السرطان اللعين ،

وكان يجب أن يكون بجانبها من يمرضها ، ولكن ماذا أفعل فبيني وبين

أمي الحبيبة بلاد ، تركت كل شيء وذهبت لزيارتها في منزلنا ، فوجدتها

طريحة الفراش بعد إجراء العملية ، عندما رأتني حاولت أمي أن تبتسم لي

ولكن قلبي كان يحترق لأنها كانت هزيلة جدا وضعيفة ، ليست أمي

التي أعرفها ، انهمرت الدموع من عيني ولكن أمي حاولت أن تواسيني

فقالت : لا تبكي يا ولدي فأنا لا أشعر بالألم …

وكانت هذه كذبتها الثامنة



وبعدما قالت لي ذلك ، أغلقت عينيها ، فلم تفتحهما بعدها أبدا …

إلى كل من ينعم بوجود أمه في حياته :

حافظ على هذه النعمة قبل أن تحزن على فقدانها …

وإلى كل من فقد أمه الحبيبة :

تذكر دائما كم تعبت من أجلك ، وادع الله تعالى لها بالرحمة والمغفرة ..

الموضوع ده جالي ع الايميل وأثر فيا جدا

يارب ميجييش اليوم اللي نندم فيه على معاملتنا لأهلنا

سواء أب أو أم

رمضان 1430

السلام عليكم ورحمة الله وبركاته

رمضان جه 

بيسلم عليكوا ومستنيكوا ترحبوا بيه

وانتوا طبعا عارفين رمضان بيحبكوا ترحبوا بيه ازاي

مش هوصيكوا بقى

الضيف طلب منكوا ترحبوا بيه

اوعوا تكسفوه

.

.

ربنا  يتقبل منا ومنكم ان شاء الله

.

.

.

وبمناسبة شهر رمضان وانه فيه استجابة دعوات وفيه عتق من النيران

وانه شهر الرحمة والمغفرة

اسأل الله العظيم رب العرش العظيم أن يرحم والدي وأن يعتق رقبته من النار

وأن يكون الآن في دار خير من داره التي كان فيها في الدنيا

وأن ينعمه في قبره

وأن يجعله كما نرى ويرى الكثيييير من الناس في رؤياهم

وأن يجمعنا به في فسيح جناته

قولوا آمين

وادعوا له بالرحمة وأموات جميع المسلمين

.

.

والثيم العجيب ده عملته كنوع من التغيير يعني عشان زهقت

حيرانة

السلام عليكم ورحمة الله وبركاته

يااااااااه من زمان اوي مكتبتش حاجة هنا

مكانش بيجيلي مزاج اكتب

بس النهاردة حسيت اني لازم اكتب في البلوج

احساس غريب اوي وانت مش عارف تاخد قرار

الواحد طول ما هو عايش بيمر عليه مواقف كتييييييير بياخد فيها قرار معين

واوقات بيندم على قرار اتخذه واوقات بيكتشف ان ده كان اصح قرار ممكن ياخده

اوقات بقى بتبقى عاجز انك تاخد قرار في حاجة معينة

اول مرة احس اني فعلا عاجزة للدرجة دي

في ناس بتبقى لا قدر الله مشلولة فتبقى عاجزة مثلا عن انها تمشي على رجلها او انها تعمل حاجة معينة

عمري ما حسيت اني عاجزة زي دلوقتي

موضوع معين عاوز تاخد في قرار ولازم النهاردة قبل بكرة

دلوقتي قبل كمان ساعة

بس خايفة آخد قرار وفي نفس الوقت مش عارفة افكر

تعبت من كتر التفكير وصدعت جدا وزهقت جدا

وبرضه للأسف لسه مش عارفة آخد قرار

حيراااااااااااانه جداااااااااااااااااا

وخاااااااااااايفة جداااااااااااااااااا

حددت هدفك ولا لسه ؟

السلام عليكم ورحمة الله وبركاته

اهلا بيكوا وحلقة جديدة من برنامج

حوار هندي

أهلا بكل زوار وقراء الحوار

وحشتونا بعد غياب فترة طويلة عنكوا

بغض النظر عن ان في ناس كانت شافت الموضوع ده قبل كده في الريدر

انا لما مسحته كنت ناوية احطه تاني يوم

بس من ساعتها وانا مش عارفة احطه تاني

يللا حصل خير

.

.

.

هنتكلم في حلقتنا النهاردة عن الأهداف

معظم الناس بتبقى عايشة حياتها عادي وبتقضي اليوم بيومه وخلاص

بس في الغالب بيجي عليك وقت كده تحس ان انت عايش من غير هدف

هتسمع مثلا حوار او هتقرأ مقالة في جرنان في مجلة ع النت في أي مكان عن تحديد الأهداف

هتبدأ تبص لحايتك بمنظار مختلف وتبدأ تفكر انا ايه هدفي في الحياة

هترتب أولوياتك وتحاول تحط هدف لنفسك عشان تسعى وتحققه

ممكن يكون هدف كبير وواضح وهيندرج تحتيه كل حاجة في حياتك وهتقضي حياتك كلها عشان توصل للهدف ده

وممكن يكون كذا هدف مختلفين بس طبعا مش متعارضين

في الغالب بيكون هدف واحد وهو أهم حاجة في حياتك انت عاوز توصلها ويكون هدف طويل الأجل

بس في نفس الوقت عشان توصله في اهداف صغيرة بتحققها عشان توصل للهدف الكبير

الاهداف الصغيرة بيبقى ليها وقت محدد كل فترة بتنجز هدف معين في سبيل الوصول للهدف الكبير

ولازم تكون عارف ان اهدافك هتقدر توصلها من غير ما تخالف مبادئك

متختارش هدف عشان توصله هتستغنى عن مبدأ من مبادئ حياتك في سبيل الوصول للهدف

وفي الآخر تقول المهم اني وصلت لهدفي

ده كده يبقى هدف فاشل

لازم تختار هدفك صح

لازم تقرأ وتسمع كلام الناس الدارسة والواعية وتعرف ازاي تحدد هدفك اللي هتمشي عليه طووووول حياتك

.

.

.

دي كانت مقدمة لحلقة النهاردة

ومع فاصل اعلاني قصير

نراكم بعد الفاصل

.

.

اهلا بيكوا مرة تانية

نقطة النقاش بقى

حددت هدفك في الحياة ولا لسة ؟

طب لو حددته حصل امتى وليه وكان ايه سبب تفكيرك في تحديد هدف ومين كان السبب ؟

طب الهدف ده حددته على اساس ايه وهتوصله امتى ؟

لما تحقق هدفك هيحصل ايه ؟ ايه شعورك وقتها

طب لو محدتتش هدفك لسه مستني ايه ؟ هتحدده امتى ؟ ولا انت اصلا مش عاوز تحدده ؟ انت عاوز تعيش كده وخلاص

واهي الدنيا ماشية ومش هتقف ؟

طب الناس اللي حددت هدفها كاتبينه ولا هو معروف وخلاص

بتكتب هدفك قدامك وتبص عليه دايما عشان تفكر نفسك بيه وبتعمل خطوات الوصول للهدف وتكتبها

ولا انت هدفك في راسك وعارف انت وصلت لايه ولسه عاوز توصل لايه

حاسس ان انت هتوصل لهدفك ولا انت اختارت هدف مستحيل صعب الوصول ليه بس انت عايش بمبدأ مفيش مستحيل

ولا لما اخترت هدف درست كل الطرق كويس ودرست امكانياتك واختارت هدف على اساس امكانياتك

حاسس بفرق أو حاسس بتغيير بعد ما حددت هدفك

كنت عايش ازاي قبله وبقيت عامل ازاي بعده

لو انت شايف حد اصغر منك او بتتناقش مع حد هو شايف ان تحديد الهدف حاجة مالهاش لازمة

هتقوله ايه وازاي تقنعه وتفيده بتجربتك  ؟

لو اقتنع بكلامك هتقوله يبدأ ازاي ويحدد هدفه على اساس ايه ويسعى لتحقيقه ازاي ؟

تساؤلات كتير في الموضوع

منتظرة  آرائكوا ومشاركاتكوا

كل واحد يسمك المايك ويقول كل اللي نفسه فيه وكلنا آذان صاغية لحضراتكم

أو ممكن نقول كل واحد يمسك كيبورده ويكتب كل اللي نفسه فيه وكلنا عيون متأملة

سلام عليكم

finiiiiiiiiiiiiiiish

السلام عليكم ورحمة الله وبركاته

ياهووووووووو

اخييييييييييييييييييييييييرا

أخدنا أجااااااااااااااااااااااااااااااااازة

ياربي على دي سنة طوييييييييييييييييييييييييييييلة

كل سنة وانتوا طيبيييييييييييييييييييييييييييييييييييييييييييييين

ويارب تكون أجازة سعييييييييييييييييييييييييييييييييييييييييييييييييدة كلها مكاسب

سلام

تختار تكون فرحان ولا مرتاح ؟

سؤال مجرد

مجرد سؤال

هو ايه الأفضل

ان يحصل حاجة تخليك فرحان جدا بس للأسف مش هتكون مرتاح

ولا يحصل عكس الحاجة دي اللي هتخليك زعلان بس للأسف برضه هتكون مرتاح جداااااااااا

؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!!

sudoku

sudoku

This is the exe of  sudoku ( our AI project )

Team  : Hager , ana , yasmin

.

.

.

it is used to solve the easy versions of  sudoku

try it and leave your opinion

thanks

مناقشةزقت الطين مشروع ال AI

السلام عليكم ورحمة الله وبركاته

انا بقالي فترة كبيرة اوي ماسكة نفسي

في كم الحاجات الغريبة اللي بتحصل والأيام العجيبة اللي احنا فيها

بذلت قصارى جهدي اني ابعد عن البلوج وماتكلمش واسكت واقول ايام وهتعدي

بس النهاردة خلااااااااااااااص جبت أخري

النهاردة كان في مناقشة مشروع AI

كنا عاملين لعبة سودوكو انا وياسمين وهاجر

وبجد اشتغلنا فيها جامد جدا كلنا

بجد ده اكتر مشروع اشتغلت فيه وطلعت فيه شغل

وكنت مستمتعة جدا وانا شغالة فيه

فكرت وحاولت كتير في الكود وهبلت كتير وطلع غلطات كتير بس لما اللعبة اشتغلت كنت في منتهى السعادة

اكتشفت ان احساس حلوا جدا لما تقعد سبع ساعات ورا بعض عشان في الآخرتوصل لخطوة مكنتش عارف توصلها

اد ايه بتحس بانجاز وبتبقى هتطير من الفرحة

كنت هموت من الفرحة لما كنت ادخل السودوكو وتتحل صح

كملنا شغل في المشروع والحمد لله خلصنا ومكناش مطغوطين

وجه بقى النهاردة يوم المناقشة وكان كلي أمل

بس بجد مجرد ما قعدنا مع الدكتور انا اتصدمت جدا

هو ايه اللي يللا يللا

مستعجل على ايه حضرته

انا والله ماسكة نفسي بالعافية عشان ماقلوش الفاظ خارجة

بجد كده حرام والله

واللي يشوف حضرته وهو عمال يتكلم على المشاريع

يقول بقى الراجل هيناقش مناقشة جبارة وهيفصص المشروع

كل اللي فالح فيه شغلوا اللعبة من الاسطوانة

كأننا عاملين عمل في الاب عشان يشغل الحاجة لكن الاسطوانة مش هتشتغل

ولا كأنه يعني هيفتح الاسطوانة اصلا بعد كده

انا اذبهليت واتصدمت واتخنقت جدا والله

وانتهي الموضوع بوقوع اللاب وقعة دمار عملت انفجار في المعمل

طبعا كان وضع طبيعي لتصرف واحدة مش طايقة نفسها وهي بتحط اللاب في الشنطة يقع بالمنظر ده

بس الحمد لله عدت على خير واشتغل

بس بجد كنت زعلانة جدا من اللي حصل وفضلت متضايقة

وبعدين العيال حبوا يفرفشوني وقلبت تهييس ع الآخر

بس بعد التهييس في خنقة تانية ما زالت مستمرة

هو اه طبعا انا فخورة بنفسي جدا

حتى لو كانت فكرة اللعبة بسيطة وفي نظر الناس هايفة

بس انا مقتنعة اننا تعبنا وطلعنا شغل كويس جدا

حتى لو قدام نفسنا بسس

بس كانت نفسي تكون النهاية احلى من كده

كان نفسي تكون نهاية تشجيع مش نهاية حزن وكآبة ورخامة

هو ليه عمر ما الواحد عمل حاجة وحس انه انجز فيها وكانت نهايتها حلوة

انا تقريبا خلاص اخدتها قاعدة

لو تعبت في حاجة اوي وكنت فرحانة جدا بيها ونفسي الدنيا كلها تشاركني فرحتي يبقى لازم الحاجة دي هتنهي بخنقة

ده الراجل مقالش كلمة تشجيع واحدة

حسبي الله ونعم الوكيل

.

.

هو انا ايه اللي دخلني البلوج ده

ما كنت قاعدة كافية خيري شري وبعدية عنه

يللا ربنا معانا

سلام

التوقيت الصيفي والشتوي

السلام عليكم ورحمة الله وبركاته

اهلا بيكوا قرائنا الكرام في

حوار هندي

هنتكلم النهاردة عن تغيير الساعة

زي ما احنا عارفين ان مفيش غير مصر واسرائيل بس هما اللي بيغيروا الساعة

توقيت صيفي وتوقيت شتوي

ايه رايك في فكرة تغيير الساعة

شايف ان ليها لازمة ؟

بتحب التوقيت الصيفي اكتر ولا التوقيت الشتوي ولا مش فارقة معاك

في ناس مش بتحب تغير ساعتها

يعني الناس كلها تبقى ماشية تبع ساعة معينة بس دول عندهم مبدأ مش بيغيروا ساعتهم

واعرف ناس كده بجد

في ناس بتتظلم اوي في تغيير الساعة

الناس اللي ملتزمة بمواعيد وكده بتفرق معاهم جامد

ايه رايك انت في الحوار ده

.

.

حوار النهاردة كان صغير

انتظرونا في الحلقة القادمة

بعنوان

تحديد الأهداف

سلام عليكم